НИЙГМИЙН ДААТГАЛЫН ХЭЛТСИЙН АЛБАН ХААГЧИД НОМОО СОЛИЛЦОЖ УНШИЖ БАЙНА.

Архангай аймгийн нийгмийн даатгалын хэлтсийн албан хаагчдын дунд “Номоо солилцъё” арга хэмжээг зохион байгуулж байна. Тухайлбал албан хаагч өөрийнхөө уншсан нэг номыг авчиран уншаагүй нэгэндээ өгнө. Харин өөрийн уншаагүй номыг бусдаасаа авч унших юм. Номоо ес хоногийн хугацаанд уншиж дуусган номын тэмдэглэл бичих, мөн хэлэлцүүлэг зэргийг зохион байгуулна.

Энэ арга хэмжээ нь байгууллагын албан хаагчдын өөртөө зориулах цагийг нэмэгдүүлэх, ажлаас өөр зүйлсэд цаг гаргаж, өөрийгөө сорих боломж олгох, түүнчлэн өөрийгөө илэрхийлэх чадварыг сайжруулах зорилготой.