“Эрүүл амьдралын хэв маягт суралцъя” уриаг Архангай аймгийн нийгмийн даатгалын хэлтэс дэвшүүлж байна. Тиймээс байгууллага хамт олноороо зөв дадал хэвшилд суралцаж байна.

Нийслэлийн “Иргэдийн Хэрэглээний Боловсролын Төв” байгууллага 21 аймаг 330 суманд “Эрүүл зөв дадал зуршил” сэдэвт сургалт зохион байгуулж байгаа юм байна. Нийгмийн даатгалын хэлтсийн хамт олон энэхүү сургалтын сургагч багш Э.Бэхбат багшийг байгууллагадаа урьж сургалтад хамрагдлаа.

Сургагч багш олон сонирхолтой туршилт хийж буруу хооллолтын зуршил, хүнсний буруу сонголт, түүний сөрөг нөлөөг баталж харуулж байсан юм. Түүнчлэн албан хаагч бүр гэр бүлдээ энэхүү мэдлэгээ хуваалцаж, хэрэгжүүлээсэй гэж уриалж байлаа.

Бие, сэтгэл эрүүл байснаар ажилтан илүү үр бүтээмжтэй, сэтгэл хангалуун ажиллах учраас энэхүү сургалт цаг үеэ мэдэрсэн, бодит туршлага болохуйц чухал сургалт боллоо.